今日係2009年9月12日(星期六),明天開生日會啦!今日爸B媽咪準備所有東西,reconfirm 蛋糕,食物, 飲品, 好期待明天的生日會呀!!

今日係2009年9月7日(星期一),终於退燒啦!婆婆今日嚟屋企照顧我,爸B媽咪想我係屋企休息下, 我又做返頑皮豬啦!  :P

今日係２００９年９月６日（原本今日開生日會但發燒要改下星期日），今日我都有小小燒係屋企休息，最主要爸B媽咪都好倦，佢地昨晚都係要起身幫我量體溫無物點訓，明天佢地要返工，爸B媽咪今日你地休息下啦，如果吾係明天要返工就好倦架啦．咦！朝早起床有人按門鐘，邊個呢？原來係Apita送貨,係生日禮物呀! 表姨，表姨丈，表舅母，表舅父們送俾我的叮噹單車，嘩！好野，我即刻要玩下先，我好鍾意呀，多謝大家！雖然今日發燒冇得出街，但係我有我的新朋友陪我一起玩，哈哈哈．．．就係我的生日禮物單車，同埋叔叔阿媛姨姨送的toy table同piano,好好玩架, 多謝大家,我好鍾意呀！

今日係2009年9月3日(星期四), 我1歲啦!媽咪爸B請假同我出去玩, 我第一次坐纜車上山頂,上次本來想坐但太多人,冇坐到,今日係平日所以好小人坐纜車, 我一上車就好開心又同乘客甲乙丙揮手仔, 好!準備開車啦,好斜呀, 好彩有媽咪係我後面我可以乘個人坐係媽咪度咁就好舒服啦! (媽咪:BB妳扎住我個心口, I can't breath!!) hahaaa.....嘩!山頂景色好靚啊! 到山頂啦!上到山頂緊係要去爸B媽咪拍拖最種意去的峰景餐廳啦, 仲要叫佢地必食的印尼炒飯(不過佢地話冇之前咁好食啦),我都有麵包食呀, 飽飽啦! 跟住我地行山頂廣場影下相再去爸B媽咪另一個拍拖tea的地方,Pacific Coffee,tea一tea, (點解今日好似係爸B媽咪的拍拖紀念日咁,去曬佢地的拍拖地方o的!??!!??)  :o   好啦!佢地終於話帶我去同Mickey Mouse影相啦, 不過我好眼訓睡著了啦! z  z    z      z

返到婆婆家啦! 有個好靚o的蛋糕,多謝兩位表姨表姨丈同兩位表舅母表舅父,個蛋糕好靚, 今次係我第一次試食蛋糕,yummy!! 蛋糕咁靚影下相先.....  

Waiter 叔叔, 吾該我想order食物呀....

要一個印尼炒飯,吾該!

小睡時間.........

今日係2009年9月1日(星期二),我又係床仔度玩搗亂啦,仲攞埋個 remote control 玩, 食下係物野味道先, 咦! 俾媽咪偷影到.....

今日係2009年8月25日(星期五), 我而家好種意係床仔度行來行去玩搗亂.....

今日係2009年8月23日(星期日),今日爸B好開心, 因為我上playgroup時,  爸B同我一齊入課室, 我同媽咪一齊坐底上堂, 其他在旁觀看的爸爸都坐底, 只有爸B 企係度, 有張椅子係我旁邊, 爸B吾想行過嚟打擾我地, 所以企係旁邊睇我地上堂, 於是我指住張椅子望住爸B "hur" 一聲, 當時爸B媽咪吾知我做物, 再過幾分鐘, 我又指住張無人坐的椅子望住爸B "hur" 一聲指佢一下, 又望返Miss繼續上堂, 媽咪爸B估我叫爸B坐底,跟住我又望返Miss繼續上堂(激氣呀!指極爸B都吾坐底架)幾分鐘後, 我又指住爸B "hur"一聲再指住張椅子, 坐在旁邊的新導師即刻將佢坐緊張椅子俾爸B坐, 媽咪就將我旁邊的椅子俾個新導師坐, 跟住我就無再手指指啦, 爸B媽咪好驚訝話我咁細個BB居然識得叫爸B坐底, 好照顧爸B哇, 爸B當然好開心啦, 雖然我細個但我都識得要睇住爸B架, heheeee.........落堂啦，同Miss影相先，今日係佢Last day佢要返澳洲待產．

係屋企小睡完就去附近的維景灣畔會所參加Hui Yan的生日派對,第一次參加同學仔的生日派對, 同Hui Yan 玩下車仔, 波波池先 (不過我未識玩波波池), 跟住影下相食下野, 爸B媽咪批准我飲BB紙包果汁, 又幾好味哇, cut cake啦! Hui Yan的生日蛋糕係個1字代表佢1歲啦, 真係開心啦!生日快樂呀，Hui Yan!

今日係２００９年８月２２日（星期六），我同爸B媽咪出去嘆個早餐（係佢地，吾係我）跟住返playgroup, 一早媽咪就煲左碗靚粥俾我食－廋肉棷菜花准山粥，上完堂我地一齊食lunch，食完啦（媽咪話我出街食野就好頑皮，冇食曬D粥，掛住左望望右望望！）好眼訓呀，係時候要返屋企小睡啦，媽咪教我眼訓時用手放係口度拍拍下就會發出”哇哇哇哇”音，好啦！回家　nap nap　先

”哇哇哇哇哇........... I'm sleepy"

我食粥仔，最好有D書仔俾我睇下，就會乖D食下粥仔

Hello! my friend-Greeny, how are you today?